Blessing of Homes - Latin

Benedictio Domorum

Extra Tempus Paschale

​

1. Parochus, seu alius Sacerdos, volens aliquam particualrem domum, vel generaliter domos fidelium, extra Tempus Paschale aspergere aqua benedicta, ingrediens domum dicit:

V. Pax huic dómui.

R. Et ómnibus habitántibus in ea.

​

2. Deinde loca praecipua domus aspergendo, dicit Antiphonam:

Aspérges me, Dómine, hyssópo, et mundábor: lavábis me, et super nivem dealbábor.

Ps. 50, 3. Miserére mei, Deus, secúndum magnam misericórdiam tuam.

V. Gloria Patri, etc.

Et repetitur Antiphona: Asperges me, etc.

V. Dómine, exáudi oratiónem meam.

R. Et clamor meus ad te véniat.

V. Dóminus vobíscum.

R. Et cum spíritu tuo.

​

Orémus:

Exáudi nos, Dómine sancta, Pater omnípotens, aetérne, Deus: et míttere dignéris sanctum Angelum tuum de caelis, qui custódiat, fóveat, prótegat, vísitet, atque deféndat omnes habitántes in hoc habitáculo. Per Chirstum Dominum nostrum.

R. Amen

Alia Benedictio Domus

V. Adjutórium nostrum in nómine Dómini.

R. Qui fecit caelum et terram.

V. Dóminus vobíscum

R. Et cum spíritu tuo.

​

Orémus.

Te Deum Patrem omnipoténtem supplíciter exorámus pro hac domo, et habitatóribus eius, ac rebus: ut eam bene + dícere, et sancti + ficáre, ac bonis ómnibus ampliáre dingéris: tríbue eis, Dómine, de rore caeli abundántiam, et de pinguédine terrae vitae substántiam, et desidéria voti eórum ad efféctum tuae miseratiónis perdúcas. Ad intróitum ergo nostrum bene + dícere, et sancti + ficáre dignéris hanc domum, sicut benedícere dignátus es domum Abraham, Isaac, et Iacob: et intra pariétes domus istíus Angeli tuae lucis inhábitant, eámque, et eius habitatóres custodiant. Per Christum Dóminum nostrum.

R. Amen

Et aspergatur aqua benedicta.

(Weller vol.III, pp. 238-242)